 |
Glitrande show frå B-karad`n
Dei la lista høgt og landa ståande.
TV-kvelden med 13 sprelske, haustkåte
og songglade B- karar og to stugu grisar
har høg underhaldningsfaktor.
Torbjørn Gunhildgard
tg@hallingdolen.no
B-karbryllaup: Brura (Øystein Kilde) og
brudgom Arnfinn Noss fekk kvarandre til
song og applaus frå resten av
B-karflokken.
Dei som valde TV-kveld på Votnahall
i staden for godstolen
heime i helga, har ingen grunn
til å angre. Forestillinga «Frå
Bekar til Stugugris» bør alle
som likar god og variert underhaldning
med lokale amatørar
få med seg.
Sjansen byr seg i slutten av
veka. B-Karad’n og stugugrisane
er klare med nye forestillingar
torsdag, fredag og laurdag.
Haustyre B-karar
Det har gått over tre år sidan sist
kameratfl okken i B-Karad`n
inviterte til festforestilling med
song og mykje attåt. Den gongen
var det vårslepp. No var det
haustforestilling, midt i fårikålsesongen,
utan at det la nokon
dempar på spelegleda. Kanskje
sprudla dei ekstra fordi dei kom
heilskinna frå haustslaktinga.
Dessutan er det ikkje lenge til
høgsesongen.
Forestillinga var lagt opp som
TV-kveld der stugugrisane Marita
Dokk og Birger Bakkeplass
sat i sofaen og svitsja med
fjernkontrollen. B-Karad`n
dukka opp vekselvis på skjermen
og live. Ein miks som fungerte
godt som bindeledd mellom
innslaga.
Svenskane kjem
For nokre år sidan la svenskane
under seg turistbygda Hemsedal.
No er det like før dei kjem
og kuppar Ål Skisenter og dei
planlagde storutbyggingane i
området.
På skjerm og scene får ein sjå
korleis det går når svenskerallarane
kjem til bygda. Det blir
nok nådestøyten for landbruket
og bygdekulturen i Nordbygdene.
Visitten av fargesprakande
svensktopp-artistar var ein forsmak.
| 
Svensktoppar: Svensktoppartistane
Sune og Gøran (Stein Ove Thon
og Olbjørn Thoen) gav ein forsmak på
kva som er i vente når svenskane
legg under seg
«Nok ein gong fekk me høyre
mannskorsong langt over det ein
kan forlange av amatørar.
Fleire er også svært habile solistar»
«Votndalen Rundt»
Ein fornøyeleg «Norge Rundt»-
kopi, omskriven til «Votndalen
Rundt», kalla fram lattermusklane.
Det gjorde også TV-innslaga
om Fjernsynskjøkkenet
med opp/nedfi lming, EU-kampen
som synest fortapt, nedlegginga
av Torpomoen, og tidskollisjonen
mellom ny og gamal tid
i skibakken.
TV-innslaga var gode og forseggjorde.
B-Karad’n har lagt
sjela si i å fi nne gode idear og
gjennomføre dei. Det ligg eit
enormt arbeid bak den delen av
forestillinga.
Song, show og sketsjar
Det var songgleda som drog BKarad’n
saman for sju-åtte år
sidan. Songen har alltid vore
fundamentet i kameratfl okken.
Nok ein gong fekk me høyre
mannskorsong langt over det ein
kan forlange av amatørar. Fleire
er også svært habile solistar.
B-Karad`n har skodespelartalent,
det viste dei i fl eire
gode sketsjar og showinnslaga.
Sjølvironi, humor og humør
gjekk att gjennom forestillinga.
Å harselere med seg
sjølv og kvarandre er god
underhaldning.
Frontfigur
I eit revyensemble skal ein vera
forsiktig med å framheve enkeltpersonar.
Alle er viktige
brikker i heilskapen. Men at
Nils Håkon Tveito fortener ein
ekstra blome, er nok alle samde
om. Han har skrive alle tekstane,
klekt ut dei fl este ideane og
dratt tyngste lasset.
– Utan Nils Håkon hadde
det ikkje vorte forestilling, sa
Øystein Kilde og overrekte blomar
til B-karkameraten etter
premieren.
Velfortente blomar fekk også
musikalsk leiar Lars Inge Tverberg,
sceneinstruktør Gry Tøsdal
ved Hallingdal Teaterverkstad
og dei to stugugrisane.
Men det var 12 karar til som
hadde fortent ein blomsterkvast.
Frontfigur: Nils Håkon Tveito har
skrive alle tekstane og hatt hovudrolla
både før og under forestillinga.
|
|
| | |
|